NOTIFICATIONS

പരവൂർ പോലീസ് ക്വാർട്ടേഴസ് മുഖ്യമന്ത്രി പിണറായി വിജയൻ ഉത്ഘാടനം ചെയ്തു

പരവൂർ പോലീസ് സ്റ്റേഷനിൽ പുതുതായി നിർമ്മിച്ച ലോവർ സബോർഡിനേറ്റ് ക്വാർട്ടേഴ്‌സിന്റെ ഉത്ഘാടനം മുഖ്യമന്ത്രി പിണറായി വിജയൻ ഓൺലൈനായി നിർവ്വഹിച്ചു. മന്ത്രി ജെ ചിഞ്ചുറാണി അദ്ധ്യക്ഷത വഹിച്ചു. സ്റ്റേഷൻ വളപ്പിൽ പഴയക്വാർട്ടേഴ്‌സിന് സമീപം രണ്ടു നിലകളിലായി അത്യാധുനിക സൗകര്യങ്ങളോടുകൂടി ആറ് ക്വാർട്ടേഴ്‌സുകളാണ് നിർമ്മിച്ചത്. എൻ.കെ. പ്രേമചന്ദ്രൻ എംപി, കെ. സോമപ്രസാദ് എംപി, ജി എസ് ജയലാൽ എംഎൽഎ, സിറ്റി പോലീസ് കമ്മീഷണർ നാരായണൻ റ്റി. ഐപിഎസ്, അഡീഷണൽ എസ്പി ജോസി ചെറിയാൻ, ചാത്തന്നൂർ എസിപി ബി. ഗോപകുമാർ പരവൂർ ഇൻസ്‌പെക്ടർ എ. നിസാർ, നഗരസഭാ ചെയർ പേഴ്‌സൺ പി ശ്രീജ, വാർഡ് കൗൺസിലർ എസ്. ശ്രീലാൽ, കെപിഎ സംസ്ഥാന പ്രസിഡന്റ് എസ്ആർ ഷിനോദാസ്, ജില്ലാ സെക്രട്ടറി എസ് ഷഹീർ, കെപിഒഎ ജില്ലാ സെക്രട്ടറി എം ബദറുദീൻ എന്നിവർ പ്രസംഗിച്ചു.